Heilbrigðisstofnunin Fjallabyggð

Grein í Hellunna 20. Apríl 2012

Nú um nokkurn tíma hefur undirbúningshópur unnið að stofnun Hollvinasamtaka Heilbrigðsstofnunar Fjallabyggðar ( HVSF )  Í hópnum eru bæði íbúar Fjallabyggðar og brottfluttir.  Kveikjan að stofnun samtakanna er einlægur áhugi á að efla og styrkja þessa mikilvægu stofnun og leggja því lið að áfram verði starfrækt góð og öflug heilbrigðisþjónusta í Fjallabyggð.  Slík samtök eru starfrækt víða um land og hafa víðtækt hlutverk, ekki bara að veita heilbrigðistofnunum fjárhagsstuðning þegar á þarf að halda heldur einnnig að veita stjórnendum stofnananna stuðning og hvatningu í ýmsum framfara – og hagsmunamálum.